Maður gerir ekki neitt fyrir neinn sem gerir ekki neitt fyrir neinn!

Var að heyra rétt í þessu að í Danmörku eru reglur sem ætti að taka upp hér á Fróni!
það er nefnilega þannig hjá Baunanum að fólk sem er nýbúið að taka bílpróf gerist brotlegt við umferðarlög á fyrstu 3 mánuðunum þarf að fara í gengn um ökuskóla og taka prófið aftur!

Ég vil hinsvegar breyta tímanum úr 3 mánuðum í ár! Það er skelfilegt að sjá hvernig sumir keyra - Hvaða skoðun hafið þið á þessu....sammála?

Annars er allt gott að frétta bara - veðrið gott og allir glaðir

sweepy skráði klukkan 10:04

góðann daginn!

vaknaði í morgun..já ég gerði það sko! Fullur af góðum hugsunum og jákvæðni og ákvað strax að þetta yrið góður dagur. Hvernig sem veðrið yrði, eða fólk í kringum mig - þetta verður góður dagur!
Samt er þoka úti núna var þétt í morgun en er eitthvað að byrta til sýnist mér. Fór í sund í gær og náði mér í smá sól. Svo eru fréttir úr fjölskylduni því hún elskulega systir mín er víst að fara að fljúga formlega úr hreiðrinu með Elmari sínum - til hamingju með íbúðina! Ég verð líklega notaður til að hjálpa við flutningin sem er hið besta mál, enda gerir maður ekki neitt fyrir neinn nema maður geri eitthvað...eða eitthvað hehe!

Endum þennan pistil á tuðrusparksfréttum.
Stefán Geirmundsson (Steven Gerrard) verður áfram hjá Liverpool og ég er glaður með það, og ekki bætandi á allt sem ég gleðst yfir þessa dagana

er hægt að vera of glaður þannig að maður fari hring og endi í eymd og volæði?
pæling

sé ykkur seinnaaaaaaa.....

sweepy skráði klukkan 09:56

var að hlusta á útvarpið núna rétt í þessu og það var verið að spila lagið Andartak eftir Rafn Jónsson trommuleikara, og þegar laginu lauk sagði konan Rabbi hefði dáið í gær - ég fékk smá sting í hjartað því Rabbi var fyrsti trommarinn sem ég sá spila live á sviði eftir að ég byrjaði sjálfur að lemja húðirnar og hann var uppáhalds trommarinn minn, ég þekkti hann ekki persónulega en hafði mikið álit á þessum manni hann háði hetjulega baráttu við MND sjúkdóminn sem hafði betur að lokum. Fyrir þá sem ekki vita var Rabbi fyrsti trommari í Sálinni og hann var í Bítlavinafélaginu líka og svo mætti lengi telja... ég votta vinum og ættingjum mína innstu samúð

sweepy skráði klukkan 09:49

jæja ég er sko glaður! Tékkar voru að taka dani í óæðri endann 3-0 og Milan Baros með 2 glæsileg mörk!

fór í sund í dag, þar voru bara þjóðverjar sem kunnu ekki að synda.

og svo er þetta blogg númer 400 hjá mér

blóm og kransar afþakkaðir.

ég þakka fyrir mig

sweepy skráði klukkan 20:39

já ég á ekki orð til!

ég vaknaði um kl 13 og var bara eitthvað að brasa hérna heima, þá hringir síminn og það er Gulli Helga vinur minn og hljómsveitarfélagi. Hann spyr mig hvað ég sé að gera? Ég: ekki neitt svosem. Hann: Ertu til í að koma til ólafsfjarðar og spila úti með vinum Dóra? (þeir sem ekki vita hvað það er, þá er það bluesband sem ég hef miklar mætur á) ég: ertu ekki að grínast? Hann: nei! og sagði að Dóri hafi beðið hann að hringja í mig því trommarinn sem spilaði með þeim í gær fór heim eftir tónleikana í gær - djöfull var ég glaður að fá þetta tækifæri. ég var svo mættur til ólafsfjarðar kl 14 og talið í skömmu síðar.
mér leið rosalega vel - ég er bara í skýunum

líki þessu við að ef ég væri fótboltamaður og fengi að spila á miðjuni með Liverpool!!

og bandið skipuðu auk mín: Halldór Bragason (Dóri) á gítar, Guðmundur Pétursson gítar (sá besti á íslandi og víðar) Jón Ólafsson Bassi og Páll Rósinkranz söngur og auðvitað Magnús Ólafsson gítarleikari sem var ekki það áberandi á sviðinu að ég tók varla eftir honum - sorry Maggi!

endilega gleðjist nú með mér - ég lifi endalaust á þessu held ég!

sweepy skráði klukkan 16:16

jæja þá er blúshátíð hafin í ólafsfirði og við félagarnir í blúsbandi hölla stigum fyrstir á svið eftir mikinn pirring vegna þess að annar gítarleikarinn lét ekki heyra frá sér fyrr en um 17 í dag og þá var hann fastur í borg óttanns og farlaus og auralaus og bara ekkert á leið norður til að spila með okkur - létum þetta aðeins fara í taugarnar á okkur en ákváðu að láta pirringin sem vind um eyru þjóta og smíðuðum nýtt program á mettíma og spiluðum við góðar undirtektir og mikið lófaklapp, þannig að það er engin ómissandi - nema kannski ég hahhaahaha! djóóók

spilum kannski aftur á morgun, þá utandyra ef veður leyfir .. ekkert á það að treysta!

annars verð ég bara að slaka á held ég bara nema mér detti eitthvað sniðugt í hug

góðar stundir

sweepy skráði klukkan 23:33

jesús minn!

vaknaði ferskur eftir minn 4 tíma svefn og það var bara eins og væri komið haust þegar ég rak nefið út - svona haustlykt , svei mér þá!

Sá þýska liðið detta út í gær og var frekar glaður með það - hef aldrei og mun ekki þola þýsk landslið í neinni íþrótt. Tékkarnir vinna þetta held ég - vona ég!

Annars er bara allt gott að frétta - gaman þegar manni er boðið í kaffi


sweepy skráði klukkan 08:40

jæja þá small teljarinn í 15000 og það voru 2 sem sendu mér sönnun þess, veit ekki alveg hvernig það gat gerst en þannig var það. Þetta voru þau Daði Jónsson vinur minn sem búsettur er í Englandi og hún María Lilja vinkona mín sem er á Akureyri. Spurning hvort þau þurfi að deila með sér verðlaununum? Er ekki búinn að ákveða hvað er í verðlaun en það verður eitthvað fallegt:)

Sá Svía og Dani gera 2-2 jafntefli og síðhærðu ítalirnir fara heim með skottið á milli lappana - þjóðarsorg á ítalíu...gott á þá!! hehe

Svo var lokaæfing hjá blúsbandinu í gærkvöldi og tel ég að við séum tilbúnir að heilla liðið á blúshátíð á föstudaginn - skora á alla að mæta þar og bera dýrðina augum.

jæja þetta er gott í bili

bless

sweepy skráði klukkan 09:04

já við erum að tala um það að nú fer að koma að því að teljarinn smelli í 15000 og eins og þegar 10000 áfanganum var náð hét ég verðlaunum sem viðkomandi nýtti sér ekki (af skiljanlegum ástæðum) en nú verður þetta svona keppnis og lofa ég hér með veglegum verðlaunum til þess sem verður númer fimmtánþúsund og best væri ef viðkomandi gæti sannað það..... ef ekki þá bara sorry:)

núna er brjálað rok og tekið að kólna á klakanum svo um munar - við þolum það!

sweepy skráði klukkan 15:38

það er svo gott þegar manni líður vel...

mér líður vel núna allavegana - betur en oftast áður. Var ekkert að spila í gær og var búinn að hafa áhyggjur af því hvað ég ætti af mér að gera en það var ekki neitt til að hafa áhygjur af því gærkvöldið var fínnt reyndar svo gott að ég sofnaði ekki fyrr en undir morgun eftir gott spjall við manneskju sem mér líkar við :)

Vaknaði svo eftir góðann svefn, fór í sund.. loksins, svo á æfingu með blússbandi Hölla Vals - erum að púsla saman prógrammi fyrir blúshátíð í ólafsfirði um næstu helgi, ég hef einhvernvegin ekki getað einbeitt mér að fullu að em í tuðrusparki, en samt náð að fylgjast það mikið með að ég sá Tékka rassskella Holland í gær - sáttur við það!! þó að sumir séu það ekki...hehheh

Framundan er svo vinnuvika sem ég er búinn að ákveða að verði góð og ætla að njóta þess að vera ég sjálfur og vera góður við alla - betri en venjulega sko, bíðiði bara!

svona ætla ég að enda þetta blogg í bili
lífið er gott ef maður velur það

sweepy skráði klukkan 21:47

góðann daginn dúllurnar mínar!

vaknaði í morgun frekar ferskur eftir góðann svefn og símtal í nótt - já eða morgun.
Er svona að gera það upp við mig hvað ég eigi að gera af mér í kvöld en það er fjandanum erfiðara enda vanur að vera að brölta með bandinu á laugardagskvöldum - ég man ekki hvað fólk gerir á svona kvöldum - allavega ætla ég ekki að detta í það eins og virðist vera það eina sem fólk hugsar um. Væri meira til í að fá mér göngutúr og leggjast upp í sófa með góða mynd í tækinu og slaka á.
Rétt upp hend sem vilja vera með í því!

Svo er það bara tuðruspark í Portúgal í dag - búinn að missa af 5 leikjum sem er allt of mikið - á skilið að sjá þetta í dag allavega.

svo er smá pæling hérna í lokin: Af hverju segir fólk Á Dalvík en Í Reykjavík? eða í ólafsfirði en á siglufirði? hefur einhver spáð í þetta ?

en kindurnar í fljótunum kæra sig sennilega kollóttar um þetta - enda er toppurinn að vera kollóttur núna í kindatískuni...þetta er kannski of lockal hjá mér, en það má alveg hlæja að þessu sko...múhahahahha

á akranesi - í borgarnesi? pæliði í þessu

í New York í Dallas í köben í moskvu í bagdad í hamborg...algveg merkilegt
í danmörku í bandaríkjunum í þýskalandi...svo kemur á íslandi?

pæling

stopp,búið bless!

sweepy skráði klukkan 15:15

jæja kominn tími til að uppfæra....

kominn heim frá sigló þar sem þjóhátíðardagurinn var haldinn með glæsibrag - Spiluðum á Allanum á miðvikudagskvöldið þar sem stemmingin var góð og mikið stuð.
Síðan var spilað á torginu á sigló í gær þar sem veðrið lofaði ekki góðu og skipuleggjendur ákváðu á síðustu stundu að halda hátíðahöldin utandyra þar sem veðurspáin lofaði ekki góðu, við stilltum upp kerfinu og öllu sem því fylgir í hráslaðlegu veðri og bölvuðum í sand og ösku að þetta skuli ekki hafa verið fært inn. En það var eins og við mannin mælt, kl 13:50 kom þessi fína sól og allt ljómaði bara og fólk í hátiðarskapi - við spiluðum svo um kl 16 nokkur lög við góðar undirtektir.
Síðan seinna um kvöldið spiluðum við aftur á hálfgerðu útiballi þar sem ég sjálfur var víst aðalmaðurinn og vakti mikla lukku með laginu um prumpufólkið og þurfti að syngja það tvisvar meira að segja :) Það er nú meira hvað maður getur fíflast þegar sá gállinn er á manni!

Þannig að ef þið viljið fjör þá er bara að hafa sambandi við okkur og ég syng áðurnefnt lag - þrisvar ef því er að skipta hehehheheh

Svo er ekkert spilað um helgina - Áttum að spila á oddvitanum en því giggi var aflýst - sem betur fer segi ég nú bara. Það er ágjætt að fá frí líka. Komum bara ferskir næst.

góða helgi

sweepy skráði klukkan 20:45

fann þennan brandara á netinu - hvar annarstaðar? það eru nöfnin sem mér finnst skemmtileg því þau voru svona og passa nokkuð vel því vinur minn hann Bergur á jeppa :)

hér kemur snilldin:

Sverrir var eitt sinn á gangi á
Laugaveginum þegar hann sá Berg vin
sinn
koma akandi á splunkunýjum jeppa.
Bergur stoppaði að sjálfsögðu hjá
honum og veifaði glottandi til hans.
Sverrir gekk upp að bílnum. "Hvar í
ósköpunum fékkstu eiginlega þennan
jeppa?" spurði hann hissa.
"Hún Stína gaf mér hann" svaraði
Bergur glaðbeittur.
"Gaf hún þér nýjan jeppa?" át
Sverrir upp eftir honum. "Hvers vegna
í
ósköpunum?"
"Ég skal bara segja þér hvað
gerðist,"sagði Bergur. "Við vorum í
bíltúr
um daginn, einhvers staðar uppi
sveit . Allt í einu ók Stína út af
veginum, setti jeppan í
fjórhjóladrifið og keyrði eitthvað
langt út í móa.
Þegar hún var búinn að skröltast
yfir hóla og hæðir stoppaði hún bílinn,
fór út og klæddi sig úr öllum
fötunum, lagðist á jörðina og
sagði: "Beggi
minn taktu það sem þú vilt!" "Svo ég
tók jeppann."
"Þú ert bráðsnjall," sagði Sverrir
og kinkaði kolli.
"Fötin hefðu hvort sem er aldrei
passað á þig."

hahaha!!


sweepy skráði klukkan 16:29

jæja þá er best að manna sig upp í að koma einhverjum upplýsingum að hér, þar sem fólk er að rifna úr áhuga á að lesa þetta rugl.

Ég er búinn að vera hálf undarlegur undanfarið og ekki verið neitt svakalega hress - En vona að ég fari að sjá fram úr því, annars endar þetta bara á einn veg.

Vinnan gengur vel, þökk sé frábæru samstarfsfólki!

Svo verður spilað á Sigló 16. og 17. júní og svo bara aftur á Oddvitanum á þann 19. júní
og síðan verður Blúsbandið The blue flame (áður blúsband Hölla Vals) að spila á Blúshátíð í Ólafsfirði viku síðar eða þann 26. júní. Þannig að trommuleikarinn Sverrir Þorleifsson hefur nóg að gera í júní - sem er gott mál!

allavega set ég punkt hér

hafðið það gott elskurnar!

sweepy skráði klukkan 13:12

góðann dag

það hafa eflaust margir heyrt talað um að einhver fái allt upp í hendurnar, þ.e. fá allt sem hugurinn gyrnist. Ég heyrði svona út undan mér eftir ballið á Oddvitanum í gær að tvær konur voru að tala saman og þær áttu greinilega báðar börn og voru líka einstæðar, sem skiptir kannski ekki öllu máli, en það sem mér þótti fyndnast við þetta að önnur þeirra sagði við hina að sonur hennar fengi allt UNDIR hendurnar... hahahhaah!! Er ég kannski einn um að finnast þetta fyndið?

Giggið var fínnt í gær - fullir sjómenn sem vildu rokk og ról og konur í miklu úrvali sem gáfu símanúmerin sín hægri-vinstri og boðið í partý og hvaðeina ....jájá

svo er það bara sundspettur í dag og svo EM gláp... England -Frakkland allavega

góðar stundir og til hamingju með daginn þeir sem eiga ammæli eða eitthvað :)

sweepy skráði klukkan 13:24

djöfull er þetta magnað (afsakið orðbragðið) en ég er búinn að bíða eftir því að EM byrji síðan því síðasta lauk árið 2000 - finnst EM meiri keppni en HM því þar eru lið frá langtíburtistan og fjarskanistan sem eiga ekki alveg heima í svona stórmótum en hvað um það...
Svona fótboltamót eru ekki fyrir alla og má búast við hjónaskilnuðum og að fólk kvarti yfir því að sjá ekki fréttirnar "sínar" á réttum tíma....fussum svei!! RÚV er bara ekki betur í stakk búin til að sýna frá svona mótum - því miður. Eimmitt núna er ég að horfá Spán - Rússland og sá part af Portúgal - Grikkladi í dag...BARA snilld
Ég hef nú alltaf haldið með Frökkum á Hm og Em, jú og hef sterkar taugar til enska liðsins auðvitað, en fyrst og fremst hef ég gaman að góðum fótbolta!

Spila á Oddvitanum í kveld -vonandi verður það gaman.

hafið það öll sem allra best

og það er mígandi rigning - Jessi er að vökva

bless



sweepy skráði klukkan 20:02

magnað er rétta orðið!!

það er allt magnað núna, þá meina ég allt helvítins draslið!!
Veðrið þó aðallega - búinn að fara í sund í gær og dag og fer pottþétt á morgun líka, en það er samt skömm að því hve fáir eru í sundi á þeim tíma sem ég hef farið, milli 17 og 19 þá er besta veðrið sko!
Búinn að jafna mig á Grímseyjarveikinni - það þarf eitthvað að fara að tékka á mér í sambandi við þetta!
Svo er E.M. að bresta á og ég ætla sko ekki að missa af því skal ég segja ykkur - er að pæla í að vera með sjónvarp í vinnuni - má það ekki?....jújú það held ég!hehhe

Svo var ég að plana útlitsbreytingu á mér í næstu viku - og gengur breytingin undir nafninu breyt'um lit og hefur með hárið að gera. Þannig að ég flagga nýrri hárgreiðslu á þjóðhátíðardaginn

magnað

sweepy skráði klukkan 21:31

jæja það er svo mikið að gera hjá mér akkúrat núna að ég hnupla grein sem mér fannst ég verða að deila með ykkur - tók hana vonandi með góðfúsleg leyfi www.beygla.is...og hér kemur það......víííí!!

Íbúar ástralska þorpsins Fucking hafa ákveðið með atkvæðagreiðslu að breyta ekki nafni þess. Íbúarnir, sem eru u.þ.b. 150 talsins hafa deilt hart um hvort breyta eigi nafninu, en skiltum með nafni bæjarins hefur reglulega verið stolið og ekki þarf það svosem að koma á óvart.
Talsmaður bæjarbúa Sigfried Hoeppl lét hafa eftirfarandi eftir sér. Beygla.is sá ekki ástæðu til að þýða þetta yfir á íslensku: "Everyone here knows what it means in English, but for us, Fucking is Fucking, and it's going to stay Fucking!" Hann sagði einnig að nafnið væri upprunnið frá 19 öld, þegar Mr. Fuck og fjölskylda hans kom sér fyrir á svæðinu og bætti við -ing, sem þýðir þorp eða byggð. Íbúar þorpsins komust ekki að merkingu nafnsins fyrr en árið 1945, þegar hermenn bentu þeim á hvað það þýddi. Ritstjóri héraðsblaðs staðarins sagði að þjófnaðir á skiltum merktum bænum hefðu verið mjög tíðir undanfarið, og oftast væru það breskir ferðamenn sem rændu þeim. Svipaðar kosningar um breytingu á bæjarnöfnum hafa farið fram víða í Ástralíu undanfarin ár. Petting, (Rúnkun) Vomitville (Ælubær) og Windpassing (Fretlosun) eru meðal bæja sem skipt hafa um nöfn.





sweepy skráði klukkan 13:19

...góðan dag!


sit hérna lasinn aumingi og get lítið að því gert - þetta er að verða eitthvað dularfullt með þessar Grímseyjar ferðir....búinn að verða veikur eftir síðustu 3 allavega!

---
En annars var ég að hlusta á lagið sunnudagsmorgun með honum Jóni Ólafs...heyrði það fyrst í vetur einhverntíman og fannst það hræðilega lélegt og bara vont lag - en núna finnst mér þetta vera flott lag og get alveg hlustað á það mörgum sinnum í röð.
Ég lendi oft í þessu með lög að finnast þau ekki góð í byrjun en svo vinnur þetta bara á hjá manni - gott dæmi er lagi "krókurinn" með sálinni, mér fannst það hræðilegt! En hvað gerðist? Ég snérist og fór að fíla þetta með félögunum í salthúsinu..Ragga óla, Jóa Jóns,Stjána..já og auðvitað Palla Glæsis:)

og endurnar struku end að dónt skipt a maul

sweepy skráði klukkan 12:06

var að skríða inn úr dyrunum þreyttur og þvældur eftir spilerí og pizzupartý hjá geimfara frá litháen hehh sem er að vinna þarna í eyunni gestrisin mjög kallinn...smakkaði að vísu ekki pizzuna en hvað um það.. þetta byrjaði að vísu á því að fluginu seinkaði til 16:30 þannig að við fórum á ali sportbar og sáum enska liðið taka það íslenska í rassgatið 6-1 - Hvað héldu íslendingar að þeir væru - fólk að spá okkur sigri og hvað eina. það er nú gott að vera bjartsýnn en fyrr má nú aldeilis!!
Flugið var bara gott báðar leiðir og ballið tókst rosalega vel enda við ekki þekktir fyrir neitt annað:)
Svo er ég með smá fróðleiksmola um flugmenn: Vissuð þið að flugmenn meiga ekki borða það sama um borð í vélunum - þetta sagði okkur maðurinn sem er að vinna í teríuni á flugvellinum á akrueyri (hann útbýr nestið sko)
Og að flugmenn meiga ekki borða skelfisk! Vissi nú reyndar ekki af hverju en gat sér það til að einhverntíma hefði flugmaður drepist eftir að hann át rækjusamloku og þá er bara bannað að borða það og hananú...

jæja þá þakka ég þeim sem hlíddu
góðar stundir!

sweepy skráði klukkan 17:06

en hvað það er æðislegt!
Var bara að spá í að slaka mér í kvöld nema einhver sé með betri hugmynd?
Gærkvöldið var þokkalegt - var bara heima í langan tíma, og spilaði ekkert á trommur í gær, sem er met!
Stefnan er sett á Grímsey City á laugardaginn, flug kl 13:00 (verð að muna að kaupa allt sem ég ætla að kaupa í fríhöfninni) hahahh!

Var svo að spá í þessu orði "Málskotsréttur" hvað þýðir þetta nákvæmlega? Já og "Línuívilnun" eða er þetta fáránlega orð með yppsilon Y-i...ég hef ekki hugmynd um það
Það eru pottþétt einhverjir kallar sem eru í vinnu hjá ríkinu við að finna svona orð eins og þessi og fleiri til eins og........man það ekki

góða helgi!!


sweepy skráði klukkan 08:28

magnað hjá honum að skrifa ekki undir þetta helvítins rugl hjá Dabba druslu og gungu og vinum hans!!

húrra fyrir pylsugerðarmanninum!!!

sweepy skráði klukkan 19:42

tók eitthvað próf á netinu um hvaða kvikmyndaillmenni ég væri - hér er niðurtaðan:

Allavega er Shining fín mynd sko....hehehe

sweepy skráði klukkan 19:18

já það eru 70 ár síðan jarðskjálfti skók víkina okkar og lagði fjöldan allan af húsum í rúst, en ef ég man rétt þá urðu ekki teljandi slys á mönnum.

Svo var ég að lesa á netinu að hugsanlega ætti að loka bakaríinu Axinu..ég er ekki hissa á því miðað við þjónustuna og framkomuna hjá fólkinu sem á það og rekur. Það var hringt í mig frá áðurnefndu Axi og okkur í vinnuskólanum kennt um að vera að stela þar, eða reyna að villa um fyrir afgreiðslustelpunum og svíkjast um að borga fyrir drykki sem er alls ekki rétt og mér fannst þetta fáránlegt af viðkomandi að koma svona fram og ásaka okkur um þetta. Og einnig sagði sú sem ég talaði við að ef við ekki hættum þessu (hverju?) þá værum við ekki æskilegir viðskiptavinir!! Við auðvitað sættum okkur ekki við svona og erum steinhætt að koma í bakaríið...þá verður kannski hægt að kaupa eitthvað annað en kringlur eftir kl. 14 á daginn...ég stend og fell með þessari skoðun minni og við ítreka að þetta er mín skoðun og kannski einhverra annara.
En auðvitað vill maður hafa bakarí hér en get allveg hugsað mér að fá betri og sanngjarnari þjónustu - Hvað er Rikki að gera núna? Ég væri til í að fá hann aftur!!

með vinsemd og virðingu
Sverrir

sweepy skráði klukkan 11:03

jahérna góður guð..

ég gleymdi víst í gær að minnast á það sem hneikslaði mig mest um helgina..
Við fórum í sjallann á föstudagskvöldið og þar var mikill Love Guru að sprella og ég get bara ekki orða bundist...hvað er þetta??? Alveg off og rúmlega það!! Enda greinilega fleira sammála mér með það miðað við mætinguna - 20 hræður sem voru mættar þarna og virtust skemmta sér vel, allt gott um það að segja samt.
Ég heyrði í þessum Gúrú þarna einhverntíman í vetur, þá hélt ég að þetta væri grín (sem það kannski var) En núna heldur hann að hann sé einhver voðaleg stjarna...fussum svei bara !!

sweepy skráði klukkan 10:33