Maður gerir ekki neitt fyrir neinn sem gerir ekki neitt fyrir neinn!

þriðjudagur, desember 31, 2002

Þá er runnninn upp síðasti dagur ársins, og nýtt ár tekur við eins og alltaf og þá er ekki úr vegi að horfa um öxl eða ætti maður bara að sleppa því og horfa bara á það sem framundan er því maður breytir víst ekki því sem liðið er þó svo að maður vilidi geta það svona stundum. En núna á eftir ég ég að fara að gera klárt fyrir Áramótagleðina með hljómsveitinni,og kannski kaupi ég nokkra flugelda. Svo er bara að gera gott út öllu og segja....

Gleðilegt ár!!!!

sweepy skráði klukkan 12:10

mánudagur, desember 30, 2002

Vaknaði klukkann 7:30 í morgunn hálf dasaður og var ekki alveg viss hvaða dagur var en svo rann það upp fyrir mér og ég átti nú víst að vakna til að fara í vinnuna!! Klæddi mig í leppana og komst að því að ég átti ekkert til að éta, fór út í þetta líka frostið -9°C á mælinum á bílnum mínum helv... kuldi maður er orðinn það góðu vanur eftir hitabylgjuna sem verið hefur undanfarið.

Að lokum vil ég votta fjöskyldu og vinum Daníels Hilmarssonar mína innstu samúð og megi guð vera með ykkur.

sweepy skráði klukkan 12:28

laugardagur, desember 28, 2002

Halelúja!

Ég er búinn að hafa það skítsæmilegt um þessi jól...tja svona þannig lagað er að fara að spila í kvöld á herrakvöldi Leifturs/Dalvíkur, og svo er náttúrulega áramótagleðin í Víkurröst Dalvík á gamlárskvöld þannig að það er nóg að gera eins og er....

sweepy skráði klukkan 19:41

miðvikudagur, desember 25, 2002

Sælinú!

Í gær fékk ég pakka: Lampa, föt,ilmvatn,geisladiska og síðast en ekki síst, skíði til að setja undir hlaupahjól sem ég fékk önnur jólin í röð frá honum Begga félaga mínum en það er engin snjór til að getað notað það og svo vantar mig hlaupahjólið líka!! En dagurinn í dag er búinn að vera hin rólegasti og mér líður bara vel.
Af hverju eru þessir tenórar alltaf eins og þorskar í framann þegar þeir eru að syngja?? Bara svona að pæla í því!!

sweepy skráði klukkan 21:09

þriðjudagur, desember 24, 2002

sweepy skráði klukkan 11:23

Stressið eykst

Það er alltaf jafn gaman að sjá fréttirnar í hádeginu á aðfangadag þegar fólk (aðalega karlar) eru gjörsamlega á síðasta snúning að redda öllu fyrir jólin. Þeir hlaupa alveg milli búða án þess að líta til hægri eða vinstri og froðufella alveg niður að hnjám, ég kann góða sögu af manni sem var alveg kominn í þrot að velja gjöf handa sinni heittelskuðu, hann var alveg að deyja ráðalaus (að vísu að kveldi Þorláksmessu) þegar hann vatt sér inn í byggingavöruverlsun og mundi að klósettið á heimilinu var brotið og fannst upplagt að gleðja konuna með glænýju Gustavsberg salerni innbundnu í rauðann borða, sem sagt hann mætti heim að dyrum með klósett undir hendinni, alveg sérstaklega valin gjöf handa konunni -þið getið rétt ímyndað ykku svipin á frúnni.

sweepy skráði klukkan 00:22

já sko.... það er bara kominn smá snjór hér á víkinni og það er gamann af því, ég á enn eftir að gera "allt" fyrir þessi blessuðu jól nema að ég er búinn að baða Erik sem var ekkert yfir sig hrifinn af öllu þessu vatni en hann sætti sig við það þegar hann var orðinn þurr

Ástþór "ófriður" 2002!!

Er kallinn orðinn alveg klikkaður í hausnum.....? Kom í jólasveinabúningi í héraðsdóm, er ekki allt í lagi heima hjá´onum??

sweepy skráði klukkan 16:33

Nú er sá árstími að fólk verslar meira en nokkru sinni og leyfir sér að bruðla í búðunum. Svo kemur maður í Hagkaup eða Bónus þá eru svona vörukynningar sem er svosem allt í lagi en að vera að "kynna" kók eða malt og appelsín eins og þetta séu glænýjar vörur og fólk hafi aldrei séð þetta, lenti í þessu um daginn að ég var að labba fram hjá kókkynningu og myndarleg stúlka spurði mig:"má bjóða þér að smakka kók?" ég vissi ekki alveg hverju ég átti að svara, en þáði botnfylli í plastglasi af....kóki en það var ekki vanilla kók sem er nýtt á markaðinum -heldur bara kók sem maður hefur oft smakkað, hélt svo ferð minni um búðina áfram og ég gat nánast fengið hina fullkomnu máltíð því einnig var verið að kynna: hangikjöt, svínakjöt,ostaköku, ís, nóa konfekt, kaffi og makkintoss þannig að þetta var bara fínasta búðarferð.

Nei nei ég keypti ekki neitt!!!

sweepy skráði klukkan 08:08

Loksins loksins!!!!!!! Já segi það aftur.. loksins... unnu mínir menn leik þó ekki í deildinni, heldur hinni geysisterku deildarbikarkeppni sem er þrælskemmtileg svona þegar stóru liðin senda sína sterkustu menn til leiks! Leikurinn tafðist í rúman klukkutíma vegna þess að svona sterkt lið hefur ekki komið á Villa Park í vetur að það ætlaði allt um koll að keyra, þegar lið Liverpool mætti á svæðið og 17.000 manns komust ekki inn á völlinn, en leikurinn vannst 3-4 á dramatískann hátt á 92. mín. þegar Daníel frá Möðruvöllum (Danny Murphy) tryggði sigurinn við mikinn fögnuð í allri Möðruvallarsókn og þó víðar væri leitað, ég vil óska öllum til hamingju með það!!

sweepy skráði klukkan 23:52

Meira jólasveina perr

Stakk ekki Steingrímur Njálsson í Stúf?? Svo eru þessir vinalegu kallar sleikjandi allt, svo maður tali nú ekki um Gluggagæji, fólk hefur fengið dóma fyrir að vera að perrast á gluggum annara! Svo eru nú blessuð jólalögin alveg súr mörg hver t.d. "uppá stól stendur mín kanna" til hvers? og "Adam átti syni sjö -sjö syni átti Adam" Hvaða Adam er þetta?!?, og er ekki nóg að segja það einu sinni hvað hann átti marga syni? Og ætli tóbaksvarnarráð banni krökkum að syngja vísuna "tak í nefið tak í nefið og svo snúa þeir sér í hring" vegna forvarna? Mér finnst sjálfum mjög gaman af jólalögum en þetta er snilld að fara aðeins dýpra í textana og nöfnin á sveinunum, þá er þetta fjandi súrt!

Gleðileg jól!!

sweepy skráði klukkan 17:41

Stekkjastaur kom fyrstur
stinnur eins og tré.
Hann laumaðist í fjárhúsin
og lék á bóndans fé.

ef maður pælir aðeins í þessari vísu Jóhannesar úr Kötlum þá held ég að kallinn hafi verið bölvaður klámhundur! Því að leika á bóndans fé er ekkert annað en dýraklám, eða hvað var Stekkjastaur að gera þarna með rollunum annað en að gæla við þær... ég bara spyr? Jú jú hann vildi sjúga ærnar en varð ekki um sel!?!?...var hann með þeim líka? djöfulsins viðbjóður er þetta!!! Það má finna eitthvað mis vittlaust út úr þessu en þetta er sniðugt finnst mér.

kveðja Gekkástaur (gekk á staur):)

sweepy skráði klukkan 20:37

Stúfur hét sá þriðji,
stubburinn sá.
Hann krækti sér í pönnu,
þegar kostur var á.

Stúfur var alltaf í uppáhaldi hjá mér í "den tid" en samt ekki uppáhalds jólasveinninn minn, segi frá honum þegar að kemur. Ég minni á uppákomu á svölunum á Kaupfélaginu á morgunn, þar mæta nokkrir sveinar kenndir við jól og gefa epli þetta er kl.16:00....Gamann að því!!

.
.
.
.Óður í Sundi

þetta gæti verið nafn á einhverri sinfóníunni, en svo er alls ekki því í gærmorgun varð uppi fótur og fit (sundfit) í einni af sundlaug reykvíkinga, þar sem maður heinlega klikkaðist og kalla þurfti til lögreglu er kona sem í mestu makindum var að synda baksund þegar hún rak sig utan í hann þar sem hann synti á móti henni, engu tauti var komið við hann þanniga að David Hasselhoff og hinar strandstelpurnar komu hlaupandi (hægt eins og í þáttunum) með sundkútana og björguðu konunni í kjafti brjálaða mannins.

það er stórhættulegt að fara í sund!!

sweepy skráði klukkan 12:40

Gott að vera kominn í helgarfrí

........það gerist svona að meðaltali einu sinni í viku, þá tekur við sá tími sem maður sinnir aðal áhugamálunum þ.e. að horfa á enska boltann og spila með hjómsveitinni í góðum fíling svona oftast, en um helgina er ekkert spilerí og verður ekki fyrr en milli jóla og nýjárs, þannig að ég get ekki kvartað yfir því að geta ekki bakað, lagað til eða föndrað fyrir jólin en það er nú engin pressa á mér frá neinum hér nema þá Erik sem setur ekki út á neitt nema þegar hann er svangur, og það er hann örsjaldan.

Myndverkasýning

Ég var við opnum á myndverkasýningu Stefáns Björnssonar (Stebba Bjöss) í ráðhúsi okkar dalvíkinga og líkaði nokkuð vel og skora á alla sem á vettlingi geta haldið að bregða sér og skoða þessa sýningu.

óver and át!

sweepy skráði klukkan 19:51

13 dagar til jóla

Stekkjastaur kom fyrstur
stinnur eins og tré.
Hann laumaðist í fjárhúsin
og lék á bóndans fé.

og verið þið sveinar velkomnir allir!!!

ég gerði mér nú lítið fyrir og vann í lottóinu áðan -var með 4 réttar tölur!!!!! Það gerði heilar 7.660 kr. ef ég man rétt, og Lalli í olís spurði hvort ég ætlaði að fá peninginn??!!? NEI!!! ég ætlaði að fá bland í poka fyrir 7660 kall! þannig að nú er ég bara í góðum málum með "alla" þessa peninga í vasanum ef einhver hefur góða hugmynd um í hvað ég ætti að eyða vinningnum má senda mér póst!

sweepy skráði klukkan 20:37

Enn og aftur...

....breyti ég lúkkinu á þessu blessaða bloggi, það kemur ekki til af góðu því þegar ég ætlaði að sýna vini mínum síðuna þá bara virkaði ekki neitt!! ég klóraði mér vel og lengi í kollinum og prufaði hitt og þetta en ekkert gerðist þá ákvað ég barasta að henda gamla lúkkinu (sem var hreint ekkert svo gamalt) og setja þetta lúkk áedda, það virkaði!!!

að telja rollur

var þetta ekki gamalt ráð til að fólk sofnaði fyrr eða gengi betur að sofna? Mér gengur ekkert of vel að sofna á kvöldin, ég kannski tel kindur eitthvað frameftir nóttu.

Hvar er Völundur?

sweepy skráði klukkan 00:38

Göng til Siglufjarðar eða frá Ólafsfirði?

Þetta varð að umræðuefni í kvöld þegar ég og Beggi vorum að keyra frá Ólafsfirði áðan, er eitthvað vit í að gera göng þarna fyrir einhverja milljarða?? Er ekki gáfulegra að breikka þér brýr sem eru á þjóðvegi númer 1? Ég held það.. Hvað búa margir á Sigló..1200 manns eða eitthvað? og svipað á Ólafsfirði? Með fullri virðingu fyrir þessum sveitafélögum þá finnst mér þetta vera svaðalega vittlaust, er ekki hægt að bæta ástandið á þessum stöðum einhverveginn öðruvísi en að grafa göng? Því umferð þarna á milli yrði ekki það mikil að það væri vitglóra í þessu, þó svo að minn heimabær, Dalvík nyti kannski góðs af þessu þá er þetta ekki það nytsamlegt, hvað þá að bora fyrir austann á milli bæja sem ég veit ekki einu sinni hvað heita :).. en þetta er bara hreppapólitík þar sem not af hlutunum skipta ekki aðalamáli heldur bara að "eitthvað" sé gert á lansbyggðinni.

þetta er bara mín skoðun

sweepy skráði klukkan 23:24

Dagskrá RÚV og Jólaljós á Dalvík

Það er laugardagskvöld og þeir eru að sýna þátt um evópsku kvikmyndaverðlaunin!! Þátturinn með honum Gísla Martröð -teini var með leyðinlegra móti í kvöld, hann kann ekki að vera skemmtilegur -þykist bara vera það:) Spaugstofann stóð næstum því fyrir sínu, ég er á því að Randver eigi ekki að vera þarna í þáttunum, hann er ekkert fyndinn!

Og svo að jólaljósum á Dalvík, af hverju er aldrei svona "formleg" athöfn þegar kveikt er á jólatrénu í miðbænum? Menn bara dúndra þessu upp og hengja seríurnar á og þá er allt búið, ég er að sjá auglýst frá nánast öllum bæjum landins að verði kveikt á jólaljósunum þennan dag kl. 16:00 og verði eitthvað um að vera t.d. lúðrasveit (sem er ekki hér) eða einhver skemmtiatriði og svona, nei ekki á Dalvík! Jólasveinarnir koma bara á svalirnar á Kaupfélainu gefa nokkur epli dansað í kring um jólatréð (sem var bara stungið í samband án tilstands) og syngja nokkur jólalög, svo fara allir heim.

Er þetta kannski bara bull í mér?

sweepy skráði klukkan 00:08

Enn tapa mínir menn :( Nú fyrir "stórliði" Charlton! Þetta er til að bæta lífið hjá manni. . . eins og ég orðaði það hér um daginn "í sama skapi í sigri og tapi" þá er ég EKKI í góðu skapi núna!! En hvað get ég gert að þessu slæma gengi Liverpool sem eru (fyrir þá sem ekki vita) lang sigursælasta lið enskrar knattspynu og jafvel heims, þannig að þetta er að verða pirrandi í meira lagi.

ég fer bara út núna...bless!

sweepy skráði klukkan 18:04

jæja þá unnu Liverpool loks leik.. og það í hinni mikilmetnu deildarbikarkeppni, unnu Ipswich 6-5 eftir vítaspyrnukeppni!! Mínir menn stilltu upp nokkuð sterku liði en gekk ekki vel að skora í venjulegum leiktíma, þurftu víti til að koma sér á blað, Diouf skoraði úr spyrnunni en unglingurinn Neil Mellor stal senunni í þessum leik sem og Stefán Geirmundar (Steven Gerrard) sem var fyrirliði sem hefur ekki verið að spila of vel undanfarið að mínum mati, við sem höfum eitthvað vit í kollinum vitum hvað stráksi getur!!

Hass hefur mikið verið rætt hér á víkinni undanfarið og var gerður usli í þeim málum á mánudagskvöld... hass-hundur var á svæðinu og allt. Ætli menn séu að hafa eitthvað upp úr því að díla með hass norður í landi? Ég hef ekki verið svo heppinn að verða var við þessa hass-skálmöld sem allir tala um hér!!

Fólk er ekki á eitt sátt við diskana sem skífan gefur út þ.e. þessa lása á þeim og ekki er hægt að hlusta á þá í tölvum nema slá einhvern kóða inn sem varla er merkjanlegur á umslaginu, því margir eru bara með tölvu sem "græjur" enda tæknin slík að jafnvel er berta "sánd" þar heldur en í græjunum sem maður fékk í fermingargjöf, svo er náttúrulega búið að taka þessa lása í rassg.... þar sem tölvusnillingar brjóta þá á bak aftur eins og ekkert sé!

Sæl að sinni

sweepy skráði klukkan 03:20

Hver nennir að gera þessar æfingar sem eru alltaf á morgnana á stöð 2, í fínu formi heitir þátturinn held ég. Mér veitti kannski ekki að því að hreyfa mig en ekki dytti mér það í hug að skakklappast fyrir framann imbann, og það á morgnana!! Ætli séu einhverjir sem vakna eldhressir og klæða sig í erobikk outfittið og djöflast á stofugólfinu? Mér þætti gaman að sjá það!!!

Gamann að þessum svía sem var með punghár félagana (sem voru að "steggja" hann) framan í sér heilann dag, ég hefði verið til í að sjá svipinn á kauða þegar honum var sagt hvað hann væri með í andlitinu:)

rétt upp hend sem finnst Gísli Martröð skemmtilegur!!

sweepy skráði klukkan 03:26

aumingja kallinn hann Dudek, ég er enn að velta mér uppúr þessum mistökum hjá honum. En hann á samúð mína alla og meira enn það, menn vilja oft gleyma því að ef að sóknarmenn brenna af í dauðafæri þá eru þeir ekki hengdir fyrir það, en ef markmenn gera mistök á eru þeir umsviflaust teknir af lífi, maður eins og hann Dudek sem hélt Liverpool á floti á síðasta tímabili, hélt hreinu í 26 leikjum af 50 og varði oft stókostlega vel, hann gerir mistök á móti Manstueftirjúnó og fær það óþvegið, sérstaklega frá íþróttafréttamönnum sem hlakkar í að nudda salti í sárin, og því segi "það sem ekki drepur mann, herðir mann bara

Áfram Liverpool ----- ÁFRAM DUDEK!!!

sweepy skráði klukkan 00:11

jæja...góðann dag

ég er kannski ekkert glaður með tap minna manna í tuðrusparkinu í dag!! En eins og segir einhversstaðar ("í sama skapi í sigri og tapi!)

En nú af léttara hjali, við erum búnir að sprauta rokkrútuna hans Steina sem við erum búnir að vera að "gera upp" og nú vantar ekkert nema herslumuninn að hún verði til í slaginn, við strákarnir í bandinu (Tvöföld áhrif) spiluðum á Böggveri í gærkvöldi og mæting var ágjæt og stemmingin góð, við spilum næst þar um áramótin það verður sko fjör!!!

sweepy skráði klukkan 19:03